Tags
Die oggend was vars en sagte motreën het in vlae oor die omgewing uitgesak. Die strandmeer was glashelder en kalm. ’n Eensame hengelaar het knie-diep in die water gestaan met net ‘n paar meeue as geselskap.
‘n Ligte bries het die geur van fynbos en nat woude na mens toe aangewaai. Agter die duine kon jy die see hoor bruis.
Op die nat sand, tussen die helder vygies, het ‘n boskokkie se spore netjies in ‘n ry gelê.
* * *
Like this:
3 bloggers like this post.
***ja, jy is reg, dit lyk baie mooi die nuwe baadjie en dit bly rustend vir die gemoed om jou mooi beskrywings van asemrowende plekke in die natuur te lees***
***sulke riviermondings is darem net asemrowend***
Mens hoor en voel die verlange in hierdie pos. pragtige foto’s!
Hoe verlang ek darem nou!!
Lekker, ek voel dit sommer. Goed beskryf!
Natuurskoon… stilte…. herinneringe en verlange
‘n Eensaamman, ‘n alleenstaanblom en ‘n bokkie se enkelspoor in die hartklop van skoonheid wat elke wens en begeerte omhels.
Eintlik wil ek saggies fluister; “Hoe mooi is jou foto’s en beskrywings Kyker…”
Dankie vir julle almal se kommentaar. Die Knysna-omgewing is hoog op my lysie van spesiale plekke.