Die dorpie Guildford is rondom 1830 gestig, sowat 20 km stroom-op van Perth af, teen die Swanrivier.  Heelwat van die plekkie se oorspronklike argitektuur het behoue gebly.  Deesdae is dit ‘n gewilde uitspanplek vir mense uit die stad.

Baie van die ou geboue is nou omskep in restaurante en gesellige koffiewinkels.  Mens hoef nie ver te soek vir ‘n lekker koppie tee met ‘n stukkie kaaskoek daarmee saam nie.

 

Die sandsteenkerkie hierbo vertoon nou in die lente nogal mooi, met die groen grasperke rondom en die rye bome wat bot langs die straat.

Heelwat van Guildford se oorspronlike plankhuisies staan vandag nog.  Daar het ook nog baie baksteenhuise uit die ou dae behoue gebly, met sinkdakke, regop skoorstene en stoepe voor aan.

 

 

 

 

 

 

  

 

 

 

 

 

 

 

 

 

Die plekkie met die rooi dak regs onder laat my baie dink aan die plaashuis waarin ek grootgeword het, iewers in die Bosveld in Suid-Afrika.

 

*      *      *